Молитва о помощи в житейских делах и благословении Божием на домом

Священомученнику Власию, епископу Севастийскому

«Преблаженне и приснопамятне священномучениче Власию, дивный страдальче и предстателю наш теплый, по отшествии твоем в жизнь вечную призывающим твое святое имя пособствовати и во всяких прошениях услышанным быти обещавый! Се ныне к тебе угоднику Божию, яко ко истинному ходотаю спасения, притекаем и смиренно молимся: предстани нам в помощь, узами грехов связанным, подвигайся на всемощныя твоя к Богу молитвы и помолися о нас грешных: тя бо, недостойнии призывати на заступление дерзаем, и желаем от всех грехов наших тобою свобождение получити. О, святче Божий Власие! В сокрушении и смирении сердца нашего пред тобою припадаем и молимся: осияй нас, омраченных наветы вражиими, светом благодати свыше, да в нем ходяще, не преткнем о камень ног наших. Тя, яко сосуд в честь избранный и исполненый благодати Божия, молим: сподоби нас грешных от исполнения твоего желаемое прията, и исцели наша душевная и телесныя язвы, грехом же нашим прощение и душевному и телесному нашему здравию спасение полезное у Господа испроси, да всегда прославляем Отца и Сына и Святаго Духа, и твое милостивное предстательство о душах и телесех наших, ныне и присно и во веки веков. Аминь.»